Он үш медаль олжалады

20-23 мамырда Қарағанды қаласында Nomad MMA жекпе-жегінен ҚР Чемпионаты өтті. Жарысқа елдің барлық аймағынан 530 жеткіншек спортшы қатысқан.

Осы жарыста Қостанай облысының командасы рекордтық марапатқа қол жеткізді. Атап айтқанда, қостанайлықтар қоржынына 8 алтын, 4 күміс және 1 қола медаль түсті.

"Облыс командасын олжасын еселеген спортшылар – Қостанайдағы "Жас Ұлан", Жітіқарадағы "Легион", қойбағарлық "Бүркіт", Михайлов елді мекенінің "Барыс" спорт клубтарының тәрбиеленушілері. Осылайша 9 ер және 4 қыз бала өңір намысын сәтті қорғап келді", – дейді "Жас Ұлан" спорт клубының жаттықтырушысы.

Жүлдегер жерлестеріміз ұлттық құрама сапына қосылды. Олар осы жылдың қазан айында өтетін әлем чемпионатына дайындықты бастайды.