Мүгедектерді жұмыспен қамту маңызды мәселе
Дерек көздеріне сүйенсек, Қазақстан халқының 3,5 пайызын мүмкіндігі шектеулі жандар құрайды екен. Асылы, елімізде оларды әлеуметтік қолдауға бағытталған барлық іс-шаралар толық көлемде іске асырылуда. Тәуелсіздікке қол жеткізген жиырма екі жыл ішінде мемлекет мүгедектерге қатысты жаңа саясат қалыптастырды және мүгедектердің әлеуметтік қолдауын күшейту, оларды оңалту, қоғамға біріктіру үшін қолайлы жағдайлар жасау, өмір сүру сапасын жақсарту бойынша үлкен жұмыстар жүргізіліп келеді. Соның ішінде "Жұмыспен қамтудың жол картасы – 2020" бағдарламасы аясында да мүмкіндігі шектеулі жандарды жұмыспен қамту да қарастырылған.
Таран ауданында да мүмкін-дігі шектеулі жандардың жұмыс-қа орналасуына ерекше ден қойылған. Аудандық жұмыспен қамту орталығының директоры Азамат Сағитовтың мәлімдеуінше, бүгінде аудандағы жалпы мүгедектердің ішінде 107-і жұ-мыспен қамтылған көрінеді. Ал, аталған бағдарлама шеңберінде биыл төрт мүмкіндігі шектеулі жан жұмыспен қамтылыпты.
– Жасыратыны жоқ, көп жағдайда жұмыс берушілер мұндай жандарды еңбекке тартуға құлықсыз. Өйткені, олар тағдырдың тәлкегіне түскен жандардың іскер, өз ісіне берілген, жауапты жандар болып келетіндігін де біле бермейді. Сондықтан, жұмыс берушілер де ондай жандардың басты мақсаты – тек табыс тауып, күнін көру емес, олар үшін ең маңыздысы қоғаммен байланысын үзбей, көпшілік секілді еңбек ету екендігін түсінсе екен дейміз. Жоғарыда аты атал-ған бағдарлама аясында қазір мүгедек жандарды да жұмысқа орналастыру қолға алынып, нәтижесінде қаншама адам еңбекпен қамтылуда. Бүгінде бағдарлама аясында мүмкіндігі шектеулі жандарды жүргізуші, сатушы, қосалқы шаруашылық сияқты әлеуметтік жұмыстармен қамтып жатырмыз, – дейді А.Сағитов.
Қарлығаш ОСПАНОВА
