Жұмыс тапқанына дән риза

Мына суреттегі Гиа Габуния Таран ауданының Тобыл кентінде тұрады. Екінші топтағы мүмкіндігі шектеулі жан мамыр айында ғана аудандық жұмыспен қамту орталығы арқылы аталған елді  мекендегі  "Балдәурен" балабақшасына аула сыпырушы болып жұмысқа орналасқан көрінеді. Бұған дейін еш жерде жұмыс істемеген ол осылайша бағдарламаның арқасында жұмыс тауып, аз да болса қоғамға өзінің бір пайдасын тигізіп отырғандығына қуанады.

– Мен Лисаков қаласындағы мүгедектерге арналған интернатта тәрбиеленіп, сонда білім алдым. Жалғыз емеспін, ата-анам бар, олар да осы Тобылда тұрады. Бұрын  еш  жерде жұмыс істеген емеспін, бірақ та мына жұмысқа тез үйреніп кеттім. Мұнда мен балабақша ғимаратындағы ағаштар мен гүлдерді суару, аула сыпыру сияқты ұсақ-түйек жұмыстармен айналысамын. Жалақысы аз болса да, жұмысым өзіме ұнайды, – дейді Гиа Габуния.

Қарлығаш ОСПАНОВА