Қарабатыр құшақ жая қарсы алды

 «Қостанай таңы» газетінің күндері өңіріміздің Қамысты, Денисов, Жітіқара аудандарында өтті. Облыстық баспасөздің қара шаңырағы – "Қостанай таңы" газетінің Бас редакторы Жанұзақ Аязбекұлы бастаған бір топ журналистер сапарларын киелі  Қамысты ауданындағы   Қарабатыр ауылынан бастады.

 

Себебі мұнда үлкен мән жатыр. Сонау нарықтың қыспағында қалған  қиын жылдары басылымымыз қаражаттан таршылық көрген уақыттарда Қарабатыр елінің жетекшісі таралымды көбейтуге қол соза білді. Жәзит Құдайқұл – газетіміздің шынайы жанашыры еді.  Басқосудың алдында облыс орталығынан барған қонақтар ауылдың әлеуметтік нысандарын аралады. Ауылдық басқарма  ғимаратының мәжіліс залына    газеттің байырғы оқырмандары, ақсақалдар  жиналды.

  Осы арада ақ жарма тілектер мен парасатты ойлар ортаға тасталды. Газет жанашыры Марат Құдайқұлға «Қостанай таңы» газетінің алғыс хаты табыс етілді. Бұл туралы толық ақпаратты газетіміздің алдыңғы санынан оқи аласыздар.

 

 

 

 

Мешіт Ғазиз

Суреттердің толық нұсқасын осы арадан көре аласыздар