Жарайсың , Жансая

Жыл сайын еліміздің мәдени ордасы  Алматы қаласында  «Мұзтаудың мұзбалағы»  атанған  Оралхан Бөкей атындағы көркемсөз оқу шеберлерінің  республикалық байқауы өтеді.

 Аталмыш байқау биыл да   өз жалғасын  тауып,  16-рет өткізілді. Әдеби додаға еліміздің  түкпір-түкпірінен жүзден жүйрік деп танылған 16 сайыскер бақтарын сынады. Олар   Оралхан Бөкей және қазақ классиктерінің үздік шығармаларынан үзінді оқып , өнерлерін көрсетті. Ал осы додаға өңіріміздің намысын қорғау  Рудный қаласы № 7 орта мектебінің 11-сынып оқушысы Мұратбаева Жансаяға бұйырды.  Ол   Оралхан Бөкейдің  «Қасқыр ұлыған түнде», «Қар қызы» және ақиық ақын Мұқағали Мақатаевтың  «Аққулар ұйықтағанда»  шығармаларын оқып, ерекше мәнерімен  және  әртістік қырымен  қазылар алқасын тәнті етті.Осындай үздік өнерімен ерекшеленген зор талант иесі  жүлделі 3-орынды қанжығасына байлады.

Жалпы, Жансая  көптеген білім сайыстарының  бірнеше дүркін жүлдегері.  Ол  осы үлкен жеңістерін жетекшісі Бірманова Қымбат Исланбекқызының арқасы дейді.

Осындай жан-жақты, білімді талант иесі болашағынан зор үміт күттіреді.

                                                                Рахманбердиева Ақжан

                                                       №7 орта мектебінің 11-сынып оқушысы.