Қылмыстық топ құрықталды
Қостанайлық полицейлер ірі көлемде есірткі саудасымен айналысқан күдіктілерді ұстады. Бұл туралы облыстық полиция департаментінің баспасөз қызметі хабарлады.
Күдіктілерде жалпы салмағы 10 келіден астам гашиш пен марихуана болған. Айта кету керек, есірткі саудалаушыларды құрықтау операциясы еліміздің түрлі өңірлерінде өткен екен.
«Қостанайлық полицейлердің 7 тобы жұмыс істеді. Қылмыстық топ 8 адамнан тұрады, олар Қостанай облысының және Қазақстан Республикасының аумағында есірткі заттарын өткізумен айналысқан. Қазіргі таңда барлық күдіктілер қамауға алынды», – делінген хабарламада.
Жыл басынан бері полиция қызметкерлері есірткіге қатысты 127 қылмыс пен құқық бұзушылықты анықтаған. Тәркіленген есірткінің жалпы салмағы 13 келіден асады.
Қылмыстық топты құрықтау операциясын төмендегі сілтемеден көре аласыздар:
https://www.facebook.com/100035978173280/videos/457026805506588/
