Алшынбаев: Жолшы – әрқашан сұранысқа ие маман
Мамандық таңдау – жасөспірім шақтағы ең маңызды шешімдердің бірі. Үлкен өмірге енді ғана аяқ басқан жас ұланның алдында мыңдаған мамандықтан өзіне лайықты біреуін таңдау міндеті тұрады.

Аталған акция барысында Жол активтерінің ұлттық сапа орталығы Қостанай облыстық филиалының басшысы мен мамандары өткен жылы қаламыздың бірнеше оқу орындары мен білім ордаларын аралап, мектеп оқушыларына ақпарат берді. Пандемия орын алған соң, мұндай кездесулер онлайн форматқа көшті.
«Қазақстанда 7 мыңнан астам мектеп бар, әр мектептен 1-2 баланы үгіттеп жолшы маманын дайындасақ, 10 жылда бұл саладағы маман тапшылығы мәселесі шешіледі. Былтыр 80-ге жуық мектептерде кездесулер өткізіп, 2 мыңға тарта баланы қамтыдық. Биыл да бұл жұмыс жалғасын табуда. Жас буынның кейбірі мұндай мамандықтардан хабарсыз. Әсіресе, шалғай ауылдың балалары қызығушылық танытты. Қыз балаларға да жол саласында жұмыс табылады. Түлектер өздеріне қызықты, еліне пайдалы мамандықтар таңдаса екен», – дейді Жол активтерінің ұлттық сапа орталығы Қостанай облыстық филиалының директоры Абылайхан Алшынбаев.
