Темекі шегу сән емес

Темекінің зияны туралы айтылып та, жазылып та жүр. Құлақ асар жан болса зиянды әдеттен әлдеқашан арылған болар едік. Алайда, темекіге деген тәуелділік азаяр емес. "Нұр Отан" партиясының Қостанай облыстық филиалы осынау дертпен қоғам болып күресуге шақырды.

Дүниежүзілік денсаулық сақтау ұйымының дерегі бойынша, 1997 жылы темекіден 3 млн. адам қайтыс болыпты. Бұл көрсеткіш жыл сайын 33 пайызға өсіп отырған. Қазақстанда қазіргі уақытта 5 миллионға жуық адам темекі шегеді екен. Зиянды әдеттен арылуға бүгіннен бастап күш салмасақ, темекі талайлардың түбіне жетер түрі бар. Себебі оны тұ-тынған адаммен қоса, тү-тінін жұтқан жан да уланады. Осынау ойды ха-лық арасында насихаттап,  құқық бұзушылықтарға "нөлдік төзбеу-шілікті" қалыптастыру бағытында "Нұр Отан" партиясының ҚОФ "STOP-қылмыс" жобасын жүргізуде. Игі істің нәтижесінде жұртшылыққа темекінің зияны туралы түсіндірілді. Сондай-ақ "Қауіпсіз аула"  акциясы  мен  сыбайлас жемқорлыққа қарсы күрес жобасын талқылауға арналған алты мыңнан астам жиналыс өтті. Міне, аталған іс-шаралар ел ішінде құқық бұзушылықтарды болдырмауға бағытталып отыр.

– Темекінің зиянын біле тұра пайдаланамыз. Оны тұтынған адам өзін улаумен қатар қоршаған ортаны ластайды. Қоғамдағы өзге де құқық бұзушылықтарды болдырмау мақсатында "STOP-қылмыс" партиялық жобасы қолға алынды, – деді "Нұр Отан" партиясының ҚОФ баспасөз-хатшысы Инеш Әбілдинова.

Қымбат

        ДОСЖАНОВА