«Алаңдауға негіз жоқ»
Облыс бойынша бүгінге текті астықты алқаптың 75 пайызы жиналды. Ал «Иволга-Холдинг» компаниясы барлық егіннің 62 пайызын қамбаға құйып алған. «Енді бір он күн ішінде олардың егінді түгел жинап алуға мүмкіндігі бар,-деді облыс әкімі Н.Садуақасов.
Аймақ басшысының сөзіне қарағанда, күн райының қолайсыздығынан көптеген астықты алқаптар зардап шеккен. Күзге салым егінжайға аса көп мөлшерде ылғал түсті. Сондықтан, элеваторларға тасымалданып жатқан астықтың 20 пайыздан астамы дымқыл. Бірақ, бұған алаңдауға негіз жоқ.
-Бір түйір дән қар астында қалмауы тиіс. Ол үшін диқандар бір-біріне қол ұшын беруі қажет,-деді ол аппарат мәжілісінде.
Айбек Кәдірұлы
