Дастархан басындағы жылы жүздесу

Үгіт-насихат бағдарламасы аясында қалалық мәслихат депутаттығына кандидат Шушпанова Ирина Валерьевна Ыбыраевтар отбасымен дастархан басында кездесу өткізді.
"Адам болу оңай әрі қиын, ал Адам әрі Азамат болу – күнделікті жұмыс. Күшті мемлекет әрқайсымыздың адами сана-сезіміміз бен жақсы жаққа ұмтылуымыздан басталады. Демократиялық сайлауда қостанайлықтар да белсенділік көрсетуі керек". Бұл – кандидаттың пікірі.
Әлім Ыбыраев 2021 жылдың 10 қаңтарында сайлау учаскесіне жұбайымен барып таңдау жасайтынын айтады. Ол жеке сот орындаушысы, осы Қостанайда туып өскен. Өмірлік ұстанымы мығым азамат, айналасына жанашыр адам.

Әлім Берікұлының пайымдауынша, "Nur Otan" партиясы ондаған жылдар ішінде маңызды мәселелерді шешуде өзінің қабілет-қарымы мен кемелділігін бірнеше рет дәлелдеген. Ол жетекші партия бұдан әрі де Қазақстан азаматтарының жайлы өмірін қамтамасыз ету үшін бар күш-жігерін салады деп есептейді. Бұл пікірді барлық отбасы мүшелері қолдап-қуаттайтынын аңғартты.

«Nur Otan» партиясы Қостанай қалалық филиалының сайлау қоры қаражатынан төленді.