Дмитрий Павленко: Біздің басты құндылық – жұмысшылар

Бүгін "Кандидатқа сұрақ қой" онлайн-кездесуі өтті. Эфирде қалалық мәслихат депутаттығына кандидат, "СарыарқаАвтоПром" ЖШС ұйымдық даму жөніндегі директоры Дмитрий Иванович Павленко сайлаушылардың сауалдарына жауап берді.

– Біздің кәсіпорынның басты құндылығы – жұмысшылар. Сондықтан біз әлеуметтік қолдауға көп көңіл бөлеміз, қызметкерлерді тегін тамақтандырып, жұмысқа тасымалдаймыз. Сондай-ақ кәсіпорын жанында жұмысшыларды оқытатын және қайта даярлаудан өткізетін Оқу орталығы бар", – деді Д.Павленко.
Партия кандидаты ретінде Дмитрий Иванович осы бағыттағы даму бағдарламасын таныстырды. Оның айтуынша, "Nur Otan" партиясы мына бағыттағы жұмыстарға жәрдемдесетін болады:
➢ "Бизнестің жол картасы-2025", "Қарапайым заттар экономикасы" және "Еңбек" бағдарламалары арқылы, әсіресе, технологиялық күрделі, ғылымды қажетсінетін, экспортқа бағдарланған немесе импортты алмастыратын өнім өндірумен айналысатын кәсіпорындар бойынша жаңа жұмыс орындарын құру және сақтау үшін 4 500-ге жуық жобаны қолдау;
➢ инновациялық белсенділігі бар ісін жаңа бастаған кәсіпкерлерді бизнеске тарту үшін "Бизнестің жол картасы-2025" бағдарламасы бойынша 60 кәсіпкерге гранттар беру;
➢ 500-ден астам азаматты кәсіпкерлік негіздеріне оқыту.

Сайлауға 6 күн қалды. Сіз қай сайлау учаскесіне тіркелгеніңізді біліңіз. Ол үшін kostanayelection.kz сайтына кіріп, ЖСН енгізу қажет, сөйтіп сайлау учаскеңізді анықтайсыз.

Азаматтық белсенділігіңізді көрсетіп, сайлауға барыңыз!
 

«Nur Otan» партиясы Қостанай қалалық филиалының сайлау қоры қаражатынан төленді.