Тимур Садықов: Жұмыс жалғаса бермек

Бүгін, 2020 жылдың 22 желтоқсанында Facebook әлеуметтік желісінде облыстық мәслихат депутаттығына кандидат Тимур Мейірханұлы Садықовтың тікелей эфирі өтті. Эфир барысында үміткер «Nur Otan» партиясының сайлауалды бағдарламасын түсіндірді.

«Біздің басты мақсатымыз – әр азаматтың өмір сүру сапасын жақсарту. Партия бағдарламасы бойынша қосымша жұмыс орындары ашылады. Біздің бұл бағыттағы жұмысымыз осыған дейін де жүргізілген, сайлаудан кейін де жалғаса бермек», – деп кандидат әуелі партия бағдарламасын таныстырып өтті.

Бұдан соң Т.Садықов «Nur Otan» партиясының бастамасымен, пандемияға байланысты тұрғындарға берілген әлеуметтік көмектер турасында сөз етті.

Әлеуметтік желі арқылы кандидатқа бірқатар сұрақтар келіп түсті. Мысалы, сайлаудың елдің жаңғыруына әсері, Қостанай қаласында жастарға арналған спорт алаңдарын салу жайында сауалдар қойылды. Іскер әйелдер қауымдастығы партиялық тізімдегі әйелдер мен жастарға квота беру жөнінде кандидаттың пікірін білгісі келді.

«Партия ешкімнің жынысына, жасына, ұлтына шектеу қоймайды. Сондықтан, елдің дамуына үлес қосамыз десеңіздер, қатарымызға қосылыңыздар», – деді Т.Садықов.
Тікелей эфир қорытындысында кандидат барша жұртшылықты «Nur Otan» партиясына дауыс беруге шақырды.

«Nur Otan» партиясы Қостанай қалалық филиалының сайлау қоры қаражатынан төленді.