Күмістен алқа тағынды
Қостанай ауданының әкімі Жансұлтан Тәукенов көп балалы үш анаға "Күміс алқа" төсбелгісін табыстады. Марапатқа Евгения Веретенникова, Феруза Қосмаханова, Айткуль Сүлейменовалар ие болды. Олардың әрқайсысы алты баладан асырап отыр.
"Ана бір қолымен әлемді, бір қолымен бесікті тербетуші жер бетіндегі ең қасиетті адам, оның алақаны тікенектің өзін жұмсартып, асаудың өзін жуасытар құдіретке ие. Бүгінгі марпатталған көп балалы аналарға зор денсаулық, ашық аспан, отбасылық бақыт тілеймін", – деп ақ тілегін айтты аудан әкімі. Ол аналар қауымының қоғамдағы және бала тәрбиесіндегі рөлін ешкімнің алмастыра алмайтынын айтып, тәрбие көріп отырған балаларының Қазақстанның елеулі де қалаулы азаматтары болып өсуін тілеп, жүрекжарды лебізін жеткізді. 
