Қостанайда сенат депутаттығына сайлау аяқталды
Бүгін еліміздің 16 өңірінде (14 облыс орталығы және Астана мен Алматыда) Қазақстан Парламенті Сенатына депутат сайлауы өтті. Біздің өңірімізден бұл мәртебелі орынға халық қалаулысы болып Серік Шыңғысұлы Бектұрғанов сайлаушылардың 240 даусына ие болып, (290 сайлаушының) қарсыластарынан көш бойы озып кетті.
Жаңа орынға сайланған Серік Бектұрғановпен бірге Темірхан Бегісбаев, Асқар Жаркенов сияқты азаматтар сайлауға түскен-ді. Төртінші үміткер – Тілеген Ахметов өз кандидатурасын тіркеуге дейін алып тастады.
Қостанай облыстық сайлау комиссиясының төрайымы Антонина Маркованың және Челябинскі қаласынан келген ТМД елдері сарапшылары миссиясының өкілдері Наталья Гавриш, Артем Миронов (Ресей) сайлаудың барлық талаптарға сай әділ әрі жинақы, уақытында өткендігін мәлімдеді.
Нұрболат Мешітбаев
Суреттерді түсірген Бағдат Ахметбеков
