Астыққа да асар қажет

Облыс диқандары барлық астықты алқаптың 53% жинап алды. Яғни, 2,1 млн.гектардың егіні жиналды.

Бұл туралы облыс әкімінің орынбасары Базыл Жақыпов мәлімдеді.  Оның айтуынша, әзірге 2 млн.тонна астық бастырылған. Гектар берекелілігі 8-9 центнерден оралуда. Егер өткен жылғы науқанмен са-лыстырар болсақ, бүгінге дейін 1,3 млн.га кем орылыпты. "Жанкелдин, Аманкелді аудандары мен Арқалық қаласының диқандары егін орағын толық аяқтады. Енді бірер күнде Науырзым ауданы да нау-қанға нүкте қояды. Жітіқара мен Қамысты күзгі жиын-терім 80-83 пайызға орындалған. Бұған кері-сінше Ұзынкөл, Меңдіқара, Қарабалық және Сарыкөл аудандарында дала жұмыстары өте баяу жүргізілуде. Бұған жаз айларындағы үздіксіз жауған жаңбыр      едәуір кедергісін келтірді. Қыркүйек айының екінші онкүндігіндегі күн райының қолайсыздығы ша-руалардың қолын еріксіз байлап, матады", – деп атап өтті облыс әкімінің орынбасары аппарат мәжілісінде. Сондықтан оларға облыстың оңтүстігіндегі аудандардың көмегі қажет. Солтүстік аудандардың диқандарына Ақтөбе облысының ауыл шаруашылық мамандары да  қол ұшын созуға ниетті.

Айбек

       КӘДІРҰЛЫ