Ұстаздар да атсалысуда
Елбасымыздың қолдауымен елімізде “Біз біргеміз!” акциясы бастау алған болатын. Игі шарадан қостанайлықтар да қалыс қалып жатқан жоқ. Соның ішінде Әулиекөлдегі Ш.Уәлиханов атындағы орта мектебінің ұстаздар қауымы да аз қамтылған отбасылар мен көп балалы аналардың үйлеріне барып, азық-түлік таратып, көптің алғысына бөленуде.
-Осындай қиын жағдайда халыққа көмек қолын созуда біз де қалыс қалмайық деп шештік. Аталмыш акция аясында ерікті ретінде аудандағы он отбасыға азық-түлік тараттық. Біз бұл жақсылықты өзіміздің пайдамыз үшін жасап жатқан жоқпыз, басты мақсатымыз қиын кездерде бірге болу, – дейді мектеп директорының тәрбие ісі жөніндегі орынбасары Н.Милақатов.
