23 мың адам жұмысқа орналасты

Нәтижелі жұмыспен қамтуды және жаппай кәсіпкерлікті дамыту бағдарламасы аясында Қостанай облысының 23 мың тұрғыны жұмысқа орналастырылды. Бұл туралы баспасөз конференциясы аясында облыс әкімі А.Мұхамбетов айтты.

"Негізгі құжаттардың бірі Халықты жұмыспен қамтуға жәрдемдесудің кешенді жоспарын іске асыру болып саналады, оның іс-шараларына 28 мыңнан астам адам тартылған. Олардың 23 мыңы тұрақты және уақытша жұмыс орындарына жұмысқа орналастырылды, 3,0 мыңға жуық адам қажетті мамандықтар, сондай-ақ бизнес жүргізу негіздері бойынша оқуға жіберілді", – деді аймақ басшысы.

Оның айтуынша, бағдарлама қатысушыларына бизнесті жүргізуге шамамен 2,5 млрд теңге сомасында микрокредиттер берілген.