“Қарабатыр” өз ұлын ұмытпайды
Аты алысқа кеткен "Қарабатыр" агрофирмасында орақ аяқталып келеді. Бұл ен жазық Жайылма төсіндегі Жәзитсіз өткен алғашқы қарбалас шақ. Жәзит Құдайқұл өткен күзде дүние салған еді, енді әке ісін оның үлкен ұлы Марат жалғастыруда. Әр айналымнан 8 центнерден түсім алынуда.
Өткен сенбіде Қарабатыр халқы өздерінің даңқты басшыларын еске алып, ас берді. Оған алыс-жақын жерлерден Жәкеңді білетін, құрметтейтін көптеген адам келді. Жәкеңнің қабірі басына көз тартатын күмбезді кесене салыныпты. Көпшілік алдында "Өшпес із қалдырған" атты естелік кітаптың тұсауы кесілді. Онда Қазақстанның алғашқы помещигін білетін талай жандардың жүрек тебіреңер естеліктері бар.
Сәлім
МЕҢДІБАЙ
