Табиғат аясындағы қызықты сәт

Облыстық тарихи-өлкетану мұражайының құрылғанына биыл бір ғасыр. Осы уақыт ішінде мұражай қоры құнды заттармен толығып, нығая түсті. Мұражайға келушілердің саны да артты. Тобыл жеріне келген қонақтар мұражайға бас сұқпай кетпейтіні де белгілі. Осы жүз жылдық шарасы аясында мұражай қызметкерлері тағы бір қызықты шараны ұйымдастырғалы отыр.

Жұма күні, яғни 28 тамызда “Мұражаймен табиғат аясында” атты басқосу өткізеді. Барлық келушілерге сағат кешкі 5-тен 8-ге дейін түрлі көңілді бағдарламалар ұсынылады. Мұның бәрі де таза ауа аясында ХХ ғасыр стилінде өтеді. Ұйымдастырушылар көп қызық күтіп тұр деп дәмелендіріп отыр. Оның ішінде дастарқаннан дәм тату, түрлі ойындар, цирк қойылымдары, түрлі романстар, ұтыс ойындары және өзге де қызыққа толы сәттер бар.

Уақытыңызды ерекше әрі тамаша өткізгіңіз келсе, міндетті түрде осы уақытта мұражай маңына келуіңізге болады. 

 

Айтолқын АЙҚАДАМОВА