Затобол кеңейтіледі

Қостанай ауд. Затоболдың аумағы кеңейтілетін болды. Аудан орталығының жаңадан жасалған бас жоспарына сай, тұрғын үй кешені "Автомобилист" саяжайының орнын басады. 22 млн. теңге жұмсалып жасалған құжатта 100 гектар жерді құрылыс алаңына айналдыру жоспарланыпты. Жаңадан бой көтерер шағын ауданда тұрғын үйлерден өзге  мектеп, балабақша іспетті әлеуметтік нысандар да тұрғызылады.