Егін орағы жалғасуда
Әулиекөл. Аудан бойынша биыл 205,3 мың гектар жерге дәнді, 10,5 мың гектар алқапқа майлы дақылдар егіліпті. Бүгінде ауданның барлық аумағындағы астық алқаптарында егін орағы қыза түскен. Орташа өнімділік гектарына 7,1 центнерден айналуда. Аудан әкімінің орынбасары Қ.Әбішевтің айтуынша, күн райы жақсы болса, науқан жұмыстары қыркүйектің соңына дейін аяқталмақ. Әулиекөлдіктер 150-160 мың тонна астық жинамақ ниетте.
