Көп балалы аналарды құттықтады

Бүгін Қостанай облысының әкімі Архимед Мұхамбетов көп балалы аналармен кездесіп, оларды әйелдердің халықаралық мерекесімен құттықтады.

Тобыл-Торғай өңірінде әртүрлі дәрежедегі алқаның иесі атанған 6,3 мың ана тұрады. Олардың 1588-і «Алтын алқа», 3469-ы «Күміс алқа» иеленсе, қалған 1277 адам «Батыр Ана» атанып, «Ана Даңқы» орденімен марапатталғандар.

– Қазақстанда әйелдердің ел дамуына қосып отырған үлесі орасан. Олардың бастамалары үнемі қолдау тауып келеді. Тәуелсіздікті нығайтуға өңіріміздегі қыз-келіншектер де белсене атсалысып келеді, – деді аймақ басшысы салтанатты жиында сөйлеген сөзінде.

Кездесу барысында көпбалалы 21 анаға алтын, күміс алқалар және естелік сыйлықтар табыс етілді.