Жобаға қабылдау басталды
"Қазақстанның 100 жаңа есімі 2019: жас қазақстандықтардың табыс тарихы" жобасына құжат қабылдау басталды. Үміткерлерді қабылдау 20 қазанға дейін жалғасады. Ол үшін 100janaesim.ruh.kz сайтында анкета толтыру қажет. 
Бұл жоба биыл Жастар жылын арналады. Байқауға 39 жасқа дейінгі кез келген қазақстандық азамат қатыса алады. Осы жылы жоба үшінші рет 6 сала бойынша жарияланды. Яғни үміткерлер мәдениет, денсаулық сақтау, ғылым, спорт, бизнес және қоғамдық салаларда бағын сынай алады.
Айта кетейік, 2017 жылы Еңбек Ері Алмат Тұрсынов, кәсіпкер Қайрат Маишев және олимпиада чемпионы Денис Кузин, ал 2018 жылы суретші Айдос Есмағамбетов пен ғалым Зарина Сауытбаева жеңімпаз атанған еді.
