Жан-жақты ізденіс

– Сарыкөл ауданында ағымдағы жылдың өткен айларының нәтижесі бойынша жалпы  мал шаруашылығы өнімі 1 млрд. 794 млн. теңге құрады. Биыл ірі қара мал басы  16 713 басқа тең болды,  өткен  жылмен    салыстырғанда 1370 бас артық. Сондай-ақ, мал мен құстың барлық түрінің саны өсуде.

Еліміздің еңселі "Сыбаға" бағдарламасы бойынша ағымдағы жылы ірі қара малы жоспарға сай 658 бас болса, оның 316-сы сатып  алынды. Аграрлық несие корпорациясына 156 басқа өтінім беріліп, 6 шаруа қожалығы 190 басқа құжаттарын дайындауда. 

Ал "Бизнестің жол картасы –2020" бағдарламасының екінші бағыты бойынша ауылда кәсіпкерлікті дамыту үшін 42 млн. теңге көлемінде 23 шағын несие алынды. Өнеркәсіптік өндірістік өнім көлемі 1 млрд. 517млн. теңгені, әртүрлі тауар айналымы 625,1 млн. теңгені құрап, өткен жылмен салыстырғанда бұл көрсеткіш 104,7% ұлғайлы. 

Ағымдағы жылғы егін алаңы  370,8 мың га. Оның ішінде дәнді, майлы, мал азығы дақылдары да бар.  Өсімдік шаруашылығын әртараптандыру бойынша мақсатты жұмыс жүргізілуде.

Жалпы, аудан экономикасының ең негізгі секторы шағын және орта бизнес болып саналады.  Бұл тұрғыда да жүйелі жоспарлар жүзеге асуда.