Ауылдықтардың алаңы не?
Қостанай облысы полиция департаментінің бастығы Бекет Аймағамбетов Алтынсарин ауданында азаматтарды қабылдап, олардың мәселелерін шешуге көмектесті. Азаматтармен кездесу «Нұр Отан» партиясының аудандық филиалында өтті.
Мемлекет басшысының Қазақстан халқына Жолдауында атап өтілгендей, бүгінгі таңда "тыңдайтын мемлекет" тұжырымдамасын құру маңызды. Осы міндетті жүзеге асыру үшін генерал ауыл-аймақтарды аралап, ауыл тұрғындарымен ашық әңгімелесті.
Бұл жолы Бекет Иманұлы Силантьев және Кішкентай Чураков ауылдарына ат басын бұрды.
Обаған орманшылығының орманшысы Петр Урбанович осы аймақтың табиғи ресурстарының сақталуына алаңдаулы. Айтуынша, демалушылардың салақтығынан табиғат зардап шегіп жатыр.
– Алтынсарин ауданы өзінің қарағайлы ормандармен танымал, күн сайын мұнда демалу үшін көп адам келеді. Олар от жағады, кәуап пісіреді, салдарынан орманның өртенуі ықтимал. Біздің ауданда табиғатты қорғау полициясының инспекторы жоқ, алайда іргедегі Қостанай ауданында бар. Сізден осы лауазымды Алтынсарин полиция бөлімінің штатына енгізу мүмкіндігін қарастыруыңызды сұраймын, – дедіі Петр Станиславович.
– Алтынсарин ауданы өзінің қарағайлы ормандармен танымал, күн сайын мұнда демалу үшін көп адам келеді. Олар от жағады, кәуап пісіреді, салдарынан орманның өртенуі ықтимал. Біздің ауданда табиғатты қорғау полициясының инспекторы жоқ, алайда іргедегі Қостанай ауданында бар. Сізден осы лауазымды Алтынсарин полиция бөлімінің штатына енгізу мүмкіндігін қарастыруыңызды сұраймын, – дедіі Петр Станиславович.
Департамент бастығы Бекет Аймағамбетов бұл ұсынысты қолдап, бұл аймақты көрші Қостанай ауданындағы табиғатты қорғау полиция инспекторының өкілеттігіне бөліп беру мүмкіндігін қарастыруды тапсырды.
– Біз осы бөлімшені жасақтап, оның кадрлық құрамдастарын күшейтетінімізді атап өткім келеді. Қазіргі уақытта облыстың әрбір ауданында осы штат бірлігі енгізілетін болады. Облыстың табиғи әртүрлілігін сақтау маңызды. Бүгінде қызметкерлер үшін қарда жүретін екі техника және бес қызметтік автокөлік сатып алынды. Осы шаралардың арқасында бөлімше жұмысының тиімділігі артты, – деп жауап берді генерал.
Мысалы, тек осы жылы 450-ден астам браконьер әкімшілік жауапкершілікке тартылды және 2 браконьерге қатысты ҚР ҚК 339-бабы бойынша қылмыстық іс тергелуде (сирек кездесетін және Құрып кету қаупі төнген жануарлармен және олардың бөліктерімен заңсыз қарым-қатынас).
Қабылдауға «Зуевка» ЖШС директоры Александр Бородин астық жинау науқаны кезінде патрульдік полиция ротасының инспекторлары аграрларға астықты кедергісіз жеткізуге көмектесуін өтінді.
– Сіздің өтінішіңізді қолдаймыз, – деп жауап берді генерал. – Қазіргі уақытта ауданда жол қауіпсіздігін бір экипаж бақылайды. Ол қойылған міндеттерді орындайды деп үміттенемін.
Сонымен қатар, А.Бородин полиция бөліміне қызметтік автокөлікті жаңарту мәселесін белгіледі.
– Машиналар беріледі, бірақ облыстың бөлімшелері пайдаланған көліктерді ғана. Учаскелік полиция инспекторларының жаңа автокөліктері болғанын қалаймын, – деді кәсіпорын басшысы.
– Биыл бізде автокөлік сатып алу жоспарланған. Полиция бөліміне жаңа автокөлік берілетін болады, – деді Б. Аймағамбетов.
Тағы да үш өтініш мал ұрлығын ашуға қатысты болды. Белгісіз біреулер ауылдықтардың ауласынан жылқылар мен қошқарларды ұрлап кеткен. Жәбірленушінің бірі Майра Кульдинованың айтуынша, Қостанай ауданының аумағында күдікті ұсталған. Алайда, іс сотқа жеткен жоқ, сондықтан да залалды материалдық өтеу мәселелері шешілер емес.
– Мен осы қылмыстық істі тергеу туралы жақсы хабардар болдым. Үш адамнан тұратын қылмыстық топты бір ай бұрын құрықтадық. Олардың арқандары, пышақтары тәркіленді. Сондай-ақ, олар бірнеше аудан аумағында, соның ішінде мұнда да ұрлықтар жасағандары туралы мойындады, – деді генерал.
Қазіргі таңда тергеу амалдары жүргізілуде, тағы да айғақты заттар алу қажет. Тергеу барысында құрылған жедел-тергеу тобы жұмыс істейді. Аудан аумағында 14 мал ұрлығы тіркелді, оның 6-ы ашылды.
Мектеп кітапханашысы Светлана Калиниченко Силантьев ауылы бойынша қозғалыс кезінде мектеп оқушыларының қауіпсіздігіне алаңдаулы.
– Силантьев ауылында Бейбітшілік және Ленин көшелері жөндеуден кейін көшелерде жаяу жүргіншілер өткелдерін білдіретін қозғалыс жылдамдығын шектейтін белгілер жоқ. Сонымен қатар, Силантьев, Обаған, Кішкентай Чураков ауылдарындағы көшелерге бейнебақылау орнатуыңызды сұраймын,-деді ол.
Бұл мәселені шешуге облыстың әкімшілік полициясы қосылады.
ДП бастығы 10-нан астам азаматты қабылдады. Бұл – ауылдық жерлерде генерал өткізген үшінші қабылдау.
Кездесу барысында полиция департаментінің бастығы қылмысты ашуға көмектескені үшін Свердлов кентінің қоғамдық полиция көмекшісі Виктор Радионовты марапаттады.
