Акция жалғасуда
"Каз Интер Уголь" ЖШС кәсіпорнының директоры Евгений Бережной "Nur Otan" партиясының "Баланы мектепке жинайық!" республикалық акциясын қолдады. Акцияның мақсаты – аз қамтылған, көп балалы отбасылардан шыққан оқушыларға, жетім балалар мен ата-анасының қамқорлығынсыз қалған балаларға көмек көрсету. Сондай-ақ, әлеуметтік себептер бойынша балалардың мектепке келмеуінің алдын алу.
Сонымен қатар, "Nur Otan" партиясының Қостанай қалалық филиалында "Халыққа көмек" партиялық жобасы аясында 3 отбасының 5 оқушысы киім-кешек және мектеп керек-жарақтармен қамтамасыз етілді.
Директордың көмекшісі Сергей Кузьминов оқушыларға сыйлықтар табыс етіп, алдағы оқу жылында сәттілік тіледі. Көмек қолын созғандарға балалар ғана емес, ата-аналар да дән риза.
