Андрюшкявичюс – «Тобыл» ойыншысы
Литва құрамасының футболшысы Витаутас Андрюшкявичюс Қостанайдың «Тобылына» ауысты.
Қостанай клубы Литва құрамасының қорғаушысымен бір жылдық еңбек келісімін жасасты. Витаутас өзінің мансабын 2007 жылы жергілікті «Каунаста» бастады. Бұл клубтың құрамында Литва чемпионы, Кубок пен ел суперкубогының иегері атанды.
2010 жылы қорғаушы Польша чемпионатына келіп, «Легия» намысын қорғады. Гданьскіде Андрюшкявичюс үш маусым өткізіп, команданы алмастыруға шешім қабылдады. Бұдан соң ол шведтің «Юргорден» командасына ауысты. 2014 жылы ол голландиялық «Камбюр» құрамында өнер көрсете бастады. Екі жылдан соң ол солтүстікамерикалық «Портленд Тимберс» құрамына алынды. 1990 жылы туған Андрюшкявичюс америкалық «Ди Си Юнайтед» және литвалық «Судува» клубтарында да ойнады. Футболшы Литва ұлттық құрамасында 30 матчқа қатысты. Ол Қостанайда 2020 жылға дейін доп тебеді.
