“Ақсудан” асты
Қостанайлық "Тобыл" Қазақстан кубогының 1/8 финалында "Ақсу" командасын ұтып, келесі кезеңге шықты. Ойынның 47-минутында Бауыржан Тұрысбек әріптесі Дмитрий Мирошниченконың пасын голға айналдырса, 66-минутта екінші добына "көрімдік" сұрады. Кездесуді команда капитаны Азат Нұрғалиев түйіндеді. Ол айып алаңында тұрып сол жақ бұрышқа шірене тартты. Есеп – 0:3!
Айта кетейік, Владимир Газзаев шәкірттері Павлодарға таза қазақстандық ойыншылармен келді. Олардың арасында "Тобылдың" жастар командасынан алынған футболшылар да бар.
