Шығын – 5 мың бас құс
Бүгін таңғы сағат 5.11-де Рудный қалалық өртке қарсы қызмет бөліміне "Жас қанат-2006" ЖШС құс фабрикасында өрт болып жатқандығы туралы дабыл келіп түсті. Былтыр салынған 1 қабатты нысан тілсіз жау құрсауында қалған.
ТЖД баспасөз қызметінің хабарлауынша, өрт 110 шаршы метрді шарпыған. Салдарынан 5126 бас құс қырылып қалды, сондай-ақ нысанның жабдықтарына залал тиді. Материалдық шығын анықталып жатыр. Адамдар зардап шеккен жоқ.
![9a5be6342eefa5ce90c421cb05780ca7](https://old.kostanaytany.kz/wp-content/uploads/2019/04/9a5be6342eefa5ce90c421cb05780ca7.jpg)
Алдын ала болжам бойынша, өртке электр желілерінің қысқа тұйықталуы себепші болуы мүмкін.