Жеңіске түйілген жұдырық (ФОТОРЕПОРТАЖ)

Бүгін Қостанайда кикбоксингтен КСРО спорт шебері Мұрат Бекежанов пен бокстан КСРО спорт шебері,  ҚР еңбек сіңірген жаттықтырушы «Сұлтан» спорт клубының негізін қалаушы Асылхан Бұсырмановты еске алуға арналған ел біріншілігі басталды. Бұл дәстүрлі турнир осымен жиырмасыншы рет ұйымдастырылып отыр. Біріншілікке еліміздің барлық өңірінен он екі команда, 350-дей былғары қолғап шебері қатысады. Биылғы чемпионаттың ерекшелігі – жарыс тек фул-контакт нұсқасы бойынша ғана өтеді. Жеңімпаздар ел құрамасы сапында жаздың күні Босния және Герцоговинада өтетін Әлем біріншілігіне жолдама алады. Одан кейін Анталияда фул-контакт жүйесі бойынша тағы әлемдік дода күтіп тұр. Үш күнге созылатын бәсекенің алғашқы күнін фоторепортажымыз арқылы тамашалай отырыңыздар:

Суреттерді түсірген Бердіболат Көркембаев