AIMAQTA QANDAI HABAR BAR?
Dárigerler jalaqysy ósedi
Oblysta. Dárigerlerdiń jalaqysyn kóterý úshin bıyl oblys búdjetinen 240 mln teńge bólinedi. Bul qarjyǵa tómen aılyq alatyn 15 myń mamannyń eńbekaqysy 30% kóteriledi. Aq halattylar ulǵaıtylǵan jalaqyǵa shilde aıynda qol jetkizbek. Jospar boıynsha, bul maqsatqa 2020-2021 jyldary 5,2 mlrd teńge qajet bolady.
Kólemdi banner kómek úshin
Fedorov. Aýdan ortalyǵynda jol boıyna ýchaskelik polıseıdiń málimeti jazylǵan úlken banner ilindi. Onda kezekshi bólim nómiri, senim telefony jáne tártip saqshysynyń jeke nómiri kórsetilgen. Bul jańashyldyq turǵyndardyń kez kelgen ýaqytta júginýine múmkindik beredi. Mundaı bannerdi barlyq 13 aýyldyq okrýgke ilý josparlanyp otyr.
Balǵyn balýandar básekesi
Amangeldi. Qazaq kúresinen "Amangeldi barysy-2019" aýdandyq týrnıri ótedi. Jarysqa 2004-2006 jylǵy jas balýandar qatyspaq. Bozkilem básekesinde aýdanǵa qarasty ár aýyldan 7 sportshy 7 salmaq dárejesi boıynsha kúsh synasady. Týnır júldesi úshin 12 komanda básekege túspek.
Balasynyń qolynan qaza boldy
Qarabalyq. Boskól aýylynda jaǵa ustatarlyq oqıǵa boldy. 36 jastaǵy er adam 66 jastaǵy anasyn býyndyryp óltirgen. Bul turmysy tómen otbasyda janjaldyń únemi bolatynyn aıtty kórshileri. Olar marqumnyń budan úlken ulynyń adam óltirgeni úshin jazasyn ótegenin sóz etti. Qazir sotqa deıingi tergeý júrgizilýde
