Қостанай облысының Ауғанстанға ұн экспорты артты
Биылғы жылы Қостанай облысынан Ауғанстанға ұн экспорты 15 мың тоннаға артты. Өңірден ұн тасымалын ұлғайту экономиканы дамытуүшін қолайлы кезең болып табылады, деп хабарлайды BNews.kz тілшісі.
Биылғы жылы Қостанай облысынан Ауғанстанға 140 мың тонна ұн экспортталды.
«2014 жылғы 7 айда экспорт 124 мың тонна деңгейінде болды, – деді Қостанай жол бөлімінің директоры Ермек Темірбаев, – 2015 жылғы 7 айда бұл көрсеткіш 140 мың тоннаға жетті. Бұл өзгеріске Пәкістанда экспортқа қатысты проблема туындауы себеп болды, бұл бізге Ауғанстанға тасымал көлемін біршама арттыруға мүмкіндік беріп отыр».
