Мейірбандық – жүректен
Қостанай қалалық «Жайлаубай ата» мешітінің қызметкерлері мен шәкірттерінің ұйымдастыруымен «Мейірбандық – жүректен, қайырым – білектен» атты қайырымдылық шарасы жасалды. Мұндағы мақсат – көп балалы отбасыларға және көмекке мұқтаж жандарға қамқорлық таныту.
Ол үшін Қостанай қалалық мешітінің наиб имамы Нұрлан Сейдағалиев бастаған топ «Складской» сауда орталығындағы жеке кәсіпкерлермен кездесіп, шараның мақсатын түсіндірді.
Осылайша, барлық жәрдемдескен кәсіпкерлерден құны 170 мың теңге тұратын азық-түлік, тұрмыстық тауарлары жиналып, 8 көп балалы отбасыға және 2 көмекке мұқтаж азаматқа тең көлемде бөлініп, таратылды.
Осындай сауабы мол, маңызы жоғары шараға атсалысқан кәсіпкерлерге Алла Тағала екі дүниенің жақсылығын нәсіп етсін! «Садақа бәленің алдын алады»-деген Пайғамбарымыз (ғ.с.). Алла бәле-жаладан аман етсін!
ҚМДБ-ның Қостанай облысындағы
өкілдігінің баспасөз қызметі
