«Теңге – Қазақстан Республикасының рәмізі»

Қостанай облыстық Көркемсурет галереясында ҚР Конституциясы күні қарсаңында алғаш рет қостанайлық коллекционер-нумизмат Алексей Алтуховтың «Теңге – Қазақстан Республикасының рәмізі» көрмесінің тұсаукесері өтті.

Нумизмат А.Алтухов монета жинаумен қырық жылдан астам уақыт айналысып келеді. Оның 1972 жылы кеңес дәуіріндегі кездейсоқ олжасы, патша ақшасын тауып алуы кейін қызықты хоббиіне айналды. Алексей Алтуховтың коллекциясында І Петрдың монеталары, кеңес заманындағы ақша, ҚР ұлттық валютасының үлгілері және өзге де құнды дүниелер бар.

 Көрмеде біздің еліміздің, тарихын, мәдениетін, салт-дәстүрін бейнелейтін өзіндік айрықша нысан ұлттық валюта – теңгенің қалыптасу тарихына ерекше көңіл бөлінген. Коллекционердің айтуынша, осы іс-шараның бір ғана мақсаты бар, ол қазақстандық патриотизмді насихаттау.

                                          

Айтолқын Айқадамова