Мал басын көбейтпек

Елбасы Жолдауындағы мүмкіндігі шектеулі жандарды жұмыспен қамту бағдарламасына сай Ұзынкөл ауданында ауқымды істер қолға алынған.

"Бизнестің жол картасы–2020" бағдарламасының екінші бағыты бойынша үстіміздегі жылы ауданда бірнеше жоба жүзеге асырылып, бірталай жас кәсіпкер жеңілдетілген несие алды. Өзінің кәсібін ашып отырған жастардың бірі – Александр Меркушев. Мемлекеттік бағдарлама аясында қаржыға қол жеткізген жас кәсіпкер ірі  қара мал басын көбейтуге кірісіп кетті.