Азиядан алты алтын
20-21 қазанда Астана қаласында 8-ші Халықаралық "Азия жауынгері" NOMAD MMA турнирі өтті. Жарысқа он елдің сегіз және одан үлкен жастағы 500-ге жуық спортшы қатысты.
Қостанай облысының құрама командасы бұл байрақты бәсекеде лайықты өнер көрсетті. NOMAD MMA Қостанай федерациясынан барған 20 спортшысының тең жартысы жүлдемен оралды. 
Атап айтқанда, қостанайлықтар – Санжар Серік, Даниял Ердісов, Әмина Ғаппар, Иван Крупин, рудныйлық Марк Белоусов, жітіқаралық Ольға Скаржинская алтыннан алқа тағынды. Камила Аманова күміс жүлдегер атанса, Самуил Чудинов, Вагиф Хайдаров, Дәурен Батырқайыров қола медаль еншіледі.
