Ақ тілектер ақтарылған күн
Қостанайда Айт намазы аяқталған соң мереке өзінің барлық сән-
салтанатымен имандылық думанына айналды. Алла разылығы үшін құрбанға мал шалынып, ақ түйенің қарны жарылды. Көрші-қолаң, туыс-туғандар, қызметтес ағайындар, «Айт құтты болсын!» айтысты
–Қала лық әкімдіктің ұйытқы болуымен шаһарымызда биыл Құрбан айт мерекесі жоғары деңгейде аталып 
өтілуде. Ауқатты, тұрмысы жақсы адамдар Ұлы Жаратушы Иеміз – Алланың разылығы үшін құрбандық шалып, әлеуметтік жағдайы төмен әрі мұқтаж адамдарға, міскін жандарға қамқорлық көрсетуде. Құрбандық шалу тек мал бауыздаумен ғана шектелмейді. Онда адамның ішкі ниеті, шын пейілі, дінге бекемдігі, тақуалығы, басқаларға жанашырлығы таразыға түседі. Сондай-ақ, пенденің пендешілігі мен мәрттігі, сараңдығы мен жомарттығы да сыналады. Күллі мұсылман жұртшылығын адамдар бір-біріне бауырмалдыққа жанашыр болуға, қамқорлық жасауға, қиналғандарға көмектесуге, жағдайы нашарларға қарасуға, өзара мейірімді болуға шақырады. Бүгін, міне, Алла разылығы үшін мал шалынып, ақ түйенің қарны жарылып жатыр. Алла жолында құрбандық шалу арқылы адамдар бір-бірін бауырмалдыққа дінге беріктік танытуға шақырады десек, осы бүгін қайырымдылық жасап жатқан жандардың арасында жастардың да ат салысуы бізді қуантады, – деді қалалық мешітінің бас имамы Шоқан қажы Ғазизұлы.
Расында облыс орталығында қасиетті мерекені атап өту жылдан-жылға 
жоғары деңгейге көтеріліп келе жатқаны айқын. Әрине, бұл Құрбан айт мерекесінің қадір-қасиеті мен орындалатын ғибадаттарды халыққа түсіндіріп, насихаттаудың арқасы. Сондай-ақ, Құрбан айт мерекесінің ерекше мәртебеге ие болуы – ел мұсылмандары оны ерекше атап өтуіне жол ашты.
Бұның жарық дәлелі ретінде жақында ғана пайдалануға берілген қалалық 
мешіт асханасында жайылған мерекелік дастарқан мен домбыраның қоңыр үнімен үндесе шырқалған ән және Құрбан айт мерекесіне орай ұлттық спорттың бірнеше түрінен ұйымдастырылып, өткізілген ойындарды айтуға болады.
Осы орайда , мерекенің маңызы мен мағынасын танып, исі мұсылман азаматтардың, әсіресе, ұлт келешегі жастардың исламға бой бұрғандығы қуантты.
Мешіт Ғазиз
Суретті түсірген Бағдат Ахметбеков
