Депутаттар департаментте

ҚР Парламенті Мәжілісінің заңнама және сот-құқықтық реформа комитеті депутаттарының көшпелі отырысы өтті.

Депутаттар – В.И. Олейник пен А.А. Смағұлов Қостанай қаласында орналасқан облыстық Департаменттің өрт сөндіру бөлімшелеріне барды.

Көшпелі отырыс барысында жұмыс тобы облыстық өрт сөндіру және авариялық-құтқару  қызметімен, бірыңғай кезекшілік-диспетчерлік «112» жұмысымен, облыс орталығының құлақтандыру жүйесімен танысты. Халық қалаулылары өрт сөндірушілердің техника мен жабдықтарды пайдалану шарттарын көрсетті.

Депутаттар Комитеттің аумақтық бөлімшелерінің басқа бөлімшелермен өзара іс-қимылы барысында кездесетін мәселелерді, мемлекеттік өртке қарсы қызмет органдарының өрттердің алдын алу жұмысын ұйымдастыру деңгейін, бөлімшелердің қажетті өртке қарсы техникамен және жабдықтармен жарақтандырылуын, штаттардың жасақталуын, мемлекеттік өртке қарсы қызмет өкілдерінің, құтқарушылар мен өзге де қызметкерлердің мәртебесі мен әлеуметтік қорғалуын, тәртіптің, заңдылықтың және сыбайлас жемқорлыққа қарсы іс-қимылдың жай-күйін қарастырды.

Кездесу ҚР Парламенті Мәжілісінде «Елдегі өрт қауіпсіздігін қамтамасыз етудің жай-күйі және шаралары туралы» тақырыбында Үкімет сағатының отырысын өткізуге дайындық шеңберінде өтті.