Қар аралас жаңбыр жаууы мүмкін

Синоптиктер алдағы күндері еліміздің бірнеше өңірінде ауа райы бұзылатынын ескертті, – деп хабарлайды Tengrinews.kz тілшісі "Қазгидромет" РМК өкілдеріне сілтеме жасап. Синоптиктердің мәліметінше, 12-13 қазанда Қостанай, Ақтөбе, Солтүстік Қазақстан, Ақмола, Қарағанды облыстарында, 13 қазанда Павлодар облысында жауын-шашын күтіледі (жаңбыр қарға ауысады). Оңтүстік-батыстан соғатын жел солтүстік-батысқа ауысады, кей жерлерде күші 15-20 м/с, екпіні 25 м/с күшейеді. Күндіз ауа температурасы 3-10 градусқа дейін төмендейді.