Мүмкіндікті пайдалан

Бүгінде елімізде 15 Назарбаев зияткерлік мектебі бар. Тағы 5-еуі биыл өз жұмысын бастайды. Соның бірі Тобыл өңірінде.

Қостанайда ашылатын мектеп физикалық-математикалық бағытта болады. Білім ошағына құжаттарды қабылдау 5 мамырда басталған болатын. Мектеп директоры міндетін атқарушы Д.Набильұлының айтуына қарағанда, 7, 8, 9 сыныпқа баратын оқушылардан барлығы 1328 құжат түскен. Үміткерлер екі этап бойынша емтихан тапсырған. 7 сыныпқа барлығы 180 бала өткен. Тестілеу нәтижелері белгілі болса да, нақты ақпаратты Білім және ғылым министрлігі жанындағы байқау комиссиясы анықтайды.

8, 9 сыныпқа барлығы 800-ден астам бала құжат тапсырған. Бірақ бөлінген орынға бала саны толмай отыр. Әзірге бұл сынып оқушыларына 155 орын бос тұр. Сол себептен де тамыз айының 18-нен бастап қыркүйек айының 20-на дейінгі аралықта қосымша іріктеу кезеңі жарияланып отыр. Алдыңғы іріктеуге үлгере алмаған талапты жастар екінші мүмкіндікті пайдалануға жағдайы бар.

Айтолқын

       АЙҚАДАМОВА