Жолы болған түлектер

Амантоғай ауылдық округінің халқы қашан да ұйымшылдықтарымен көзге түседі. Ауылда екі орта мектеп бар. Бірі – Жалдама, бірі – Амантоғай деп аталады. Осы екі мектептің 6 түлегі биылғы жылы еліміздің жоғарғы оқу орындарына түсті.

Мемлекеттік грантты жеңіп алған олар: Асланбек Жұмағали мен Әсем Өмірбек – Астана қаласындағы Л.Гумилев атындағы Еуразия ұлттық университетінің информатика және баспа ісі факультеттеріне, Жамбыл Сыздық, Жамбыл Асқар және Алмас Сарбоз – Арқалық мемлекеттік педагогикалық институтына, ал Алтынай Андрей – Астана қаласындағы С.Сейфуллин атындағы ұлттық аграрлық университетке оқуға қабылданды.

Аудан бойынша түлектері жоғары оқу орнына мемлекеттік грантпен ең көп түскен ауыл – Амантоғай болып отыр.