Әкім ардагерлермен кеңесті
Аудан орталығындағы Б.Қолдасбаев орта мектебінің мәжіліс залында Аманкелді ауданының әкімі Жансұлтан Тәукенов зейнеткерлермен келелі кеңес өткізді.
Ардагерлер кеңесінің төрағасы Б.Уахитов күн тәртібіндегі мәселе бойынша баяндама жасады.
Кездесуде аудан көлемінде атқарылып жатқан игілікті шаралар, ақсақалдар ауызбіршілігі мен халқымыздың салт-дәстүрін насихаттаудағы қарттардың рөлі әңгімеге арқау болды. Сондай-ақ қарияларды қысқа дайындық барысы мен отын-шөп бағасынан құлағдар еткен әкім ел ішіндегі өзекті мәселелерді талқыға салды.
Күнжан ӘБЕУ.
