Қостанайда – қымызмұрындық
Құрметті оқырман! Осы сенбі, яғни 23 маусым күні Қостанай ауданына қарасты Заречный ауылындағы "Арғымақ" атшабарында "Қымызмұрындық" фестивалі өтпек.
Бұл шара Елбасының "Болашаққа бағдар: рухани жаңғыру" бағдарламалық мақаласының іске асыру аясында өтіп отыр. Ұйымдастырушылар – Қостанай ауданының әкімдігі.
Қымызмұрындыққа облыс және аудандық қымыз өндірушілер, қолөнер шеберлері мен суретшілер қатысады. Сонымен қатар, тоғызқұмалақ, қазақ күресі, асық ату, ат жарыс сынды ұлттық ойындар ойнатылмақ.
