Үрпекке барар жол жөнделеді

Аманкелді ауданы әкімінің тұрғындар алдында есеп беру жиынында көтерліген мәселелердің бірі – ауданның ішкі жолдары. Қазір Үрпек ауылының тұрғындары іргедегі аудан орталығына жете алмай отыр. Баспасөз беттерінде бірнеше рет жазылып жүрсе де шешімін таппай келген мәселе енді реттелмек.

Жиында Үрпек ауылының тұрғыны Ханшайым Мұқышқызы мәселені тікелей облыс басшысына қойды. Архимед Мұхамбетов бюджеттен ақша бөліп, жөндеуге уәде етті.-Біз алыстағы мәселелерді емес, бірінші кезекте тұрған шаруаларды атқаруымыз керек. Нұржан Қайыржанұлы, осы аралықтағы жолды басты назарға алыңыз,-деді Архимед Бегежанұлы.