Toba top jardy

Алаш партиясының 100 жылдығына арналған республикалық айтыста жерлесіміз Тоба Өтепбаев топ жарды. Елорда төріндегі сөз сайысына он ақын қатысқан. Сондай-ақ, Қонысбай Әбіл, Балғынбек Имашев, Қалқаман Сарин сияқты сөз сүлейлері қазылық жасап, әділ бағасын берді. Еліміздің әр өңірінен келген ақындар айтысы тартысты өтті. 

Әділ-қазылардың шешімімен, 1-орынды Арқалықтың ақыны Тоба Өтепбаев иеленіп, 2-орынды Шымкенттен келген Аян Ниязбек алды, жүлделі 3-орын керекулік ақын Нұрқанат Қайратқа бұйырды.