Электронды құжат талап етілмек
Денсаулық сақтау жүйесін цифрландырудың 2017-2018 жылдарға арналған жол картасы әзірленді, деп хабарлайды 24.кз сайты. 
Жыл соңына дейін Бірыңғай интеграциялық платформаны пилоттық негізде енгізу көзделген. Оның аясында әрбір азаматтың жеке ұяшығы, яғни денсаулығының электронды паспорты болады. Сондай-ақ, жекелеген қызметтердің жұмысы автоматтандырылады. Оның ішінде, медициналық сақтандыру қоры, қоғамдық денсаулық сақтау мен дәрі-дәрмекпен қамтамасыз ету салалары бар. Бұл жөнінде Денсаулық сақтау министрі Елжан Біртанов Үкімет отырысы барысында мәлімдеді.
Жыл соңына дейін Бірыңғай интеграциялық платформаны пилоттық негізде енгізу көзделген. Оның аясында әрбір азаматтың жеке ұяшығы, яғни денсаулығының электронды паспорты болады. Сондай-ақ, жекелеген қызметтердің жұмысы автоматтандырылады. Оның ішінде, медициналық сақтандыру қоры, қоғамдық денсаулық сақтау мен дәрі-дәрмекпен қамтамасыз ету салалары бар. Бұл жөнінде Денсаулық сақтау министрі Елжан Біртанов Үкімет отырысы барысында мәлімдеді.
"Денсаулық сақтау министрлігі мен IBM компаниясының арасында ынтымақтастық туралы меморандумға қол қойылды, оның шеңберінде Watson for oncology денсаулық сақтау саласына жасанды интеллектіні пилоттық енгізу жоспарланған. Қазіргі таңда жоғарыда аталған меморандум аясында пилоттық жобаны өткізу бойынша жол картасы әзірленіп жатыр", – деді министр.
