Фестиваль төрінде – қостанайлықтар

Қостанай облысының бір топ өнерпаздары Астана қаласында өтіп жатқан «Шабыт» халықаралық шығармашылық жастар фестиваліне қатысуда. Оған Қазақстанның барлық облысы, Астана және Алматы қалалары, сондай-ақ, Башқұртстаннан дарынды жастар келген.

Қостанайлық қолөнер шеберлері өз жұмыстарын тапсырды. Оның қорытындысы ертең белгілі болады. Ал «Актерлік шеберлік» номинациясында облыстық қазақ драма театрының әртісі Мөлдір Тағаева бар. Өнерпаздың есімі Қостанай жұртшылығына жақсы таныс. Ол У.Шекспирдің «Гамлетінде» Офелияның, Вампиловтың «Метранпажында» Викторияның, «Күшік күйеуде» Алмушканың, Рэй Кунидің «№13-інде» Джейннің образдарын сәтті шығарып, көрермендер тарапынан өзінің лайықты бағасын алған. «Шабыттың» жүлдесіне үміткер Мөлдір Тағаева бүгін өнер көрсетеді. Реттік нөмірі – 17. Онымен бірге тағы 19 әртіс сайысқа түсуде.

Кешкі сағат 19:00-де фестиваль салтанатты түрде ашылады. Ертең қазылар алқасы 1-тур шешімін жариялайды.

Дамир Елтайұлы,

облыстық филармония ди ректорының орынбасары