Арқалық вокзалы күрделі жөндеуден өтуде
Арқалық қаласындағы темір жол вокзалы ағымдағы жылдың мамыр айынан бері күрделі жөндеуден өтуде. Тапсырыс беруші "Қазақстан теміржолы ҰҚ" АҚ. Салушы "АБК – Неруд" ЖШС. Пайдалануға беру мерзімі алдағы қараша айы.
Теміржол вокзалының әкімшілігі күрделі жөндеу жұмыстарына байланысты уақытша автовокзал ғимаратына көшірілген.
Қазір темір жол вокзалында қарбалас тірлік қайнап, құрылыс жұмыстары өте қарқынды жүруде. Вокзалдың ішкі – сыртқы құрылыстары, инженерлік жүйелері жаңғыртылуда. Төбесі көтеріліп, шатырланды.
Құрылысшылар құрылыс жұмыстарын мерзімінен бұрын аяқтап шығуға күш салуда.
Мұрат Жүнісұлы
Арқалық қаласы
