Басқармада – жаңа басшы

Қостанай облысының әкімі Архимед Мұхамбетовтің өкімімен облыстық дене шынықтыру және спорт басқармасы басшысының міндетін атқарушы болып Мұрат Кинтонов тағайындалды, деп хабарлайды ҚазАқпарат alau.kz сайтына сілтеме жасап. Мұрат Кинтонов Қостанай облысының тумасы, ұзақ жылдар бойы Арқалықта еңбек еткен. Дзюдо жаттықтырушысы, Арқалық қаласы әкімінің кеңесшісі болған. Соңғы уақытта Штаттық ұлттық командалар және спорт резерві дирекциясы Қазақстан Республикасының дзюдодан ұлттық құрама командасының басшысы болып жұмыс істеген.