Жүргізуші куәлігін алу жеңілдей түсті
Енді жүргізуші куәлігін кез келген ХҚКО-дан алуға болады.Негізгі мақсат – мамандандырылған xалыққа қызмет көрсету орталықтарындағы кезекті азайту.
«Астана, Алматы және Шымкент жүргізуші куәлігі жиі алынатын қалалар екені белгілі. Сол себепті біз жаңа пилоттық жобаны қолға алғанды жөн көрдік. Бүгінгі күннен бастап аталған қалалардың тұрғындары дайын құжатты кез келген xалыққа қызмет көрсету орталығынан ала алады. Мамандандырылған ХҚКО-ға барудың қажеті жоқ. Пилоттық жоба қызмет алушылардың уақытын үнемдеуге және мамандандырылған ХҚКО-лардағы кезекті азайтуға мүмкіндік береді», – дейді өндіріс қызметін үйлестіру жөніндегі басқарушы директоры Шоқан Әбділманов.
«Астана, Алматы және Шымкент жүргізуші куәлігі жиі алынатын қалалар екені белгілі. Сол себепті біз жаңа пилоттық жобаны қолға алғанды жөн көрдік. Бүгінгі күннен бастап аталған қалалардың тұрғындары дайын құжатты кез келген xалыққа қызмет көрсету орталығынан ала алады. Мамандандырылған ХҚКО-ға барудың қажеті жоқ. Пилоттық жоба қызмет алушылардың уақытын үнемдеуге және мамандандырылған ХҚКО-лардағы кезекті азайтуға мүмкіндік береді», – дейді өндіріс қызметін үйлестіру жөніндегі басқарушы директоры Шоқан Әбділманов.
Жүргізуші куәлігін кез келген ХҚКО-дан алу үшін өтініш толтырғанда өзіне ыңғайлы орталықтың нөмірі мен мекенжайын көрсету керек. Сосын сол жерге барып, дайын құжатты алуға болады.
Айта кетейік, қазіргі кезде Қазақстанда 12 мамандандырылған ХҚКО бар. Олар Астана, Алматы, Қарағанды, Тараз, Ақтау, Павлодар, Петропавл, Қызылорда, Талдықорған, Қостанай, Ақтөбе, Шымкент қалалары мен Оңтүстік Қазақстан облысының Сайрам ауданында жұмыс істейді.
